Помнік разбітым дарогам паставілі каля будынка ЖКГ у Магілёве (фота, відэа)
Аўтааматары ўсё ж давезлі помнік магілёўскім дарогам да камунальшчыкаў, хаця ім і спрабавалі перашкодзіць даішнікі.
Нагадаем, магілёўскія аўтааматары правялі 14 красавіка акцыю "За добрыя дарогі!". Яны сабраліся на пляцоўцы каля Святога возера, пасля чаго калонай мусілі праехаць праз цэнтр горада і ўсталяваць помнік магілёўскім дарогам. Але на паўдарозе яны былі спыненыя супрацоўнікамі ДАІ, якія апыталі ўсіх удзельнікаў акцыі і адпусцілі.
Пазней
аўтамабілісты ўсё ж давезлі помнік да месца прызначэння і паставілі яго
на ўваходзе ў магілёўскае Дарожна-маставое прадпрыемства. Яшчэ адзін помнік аўтамабілісты паставілі ў горадзе. Яны закапалі ў зямлю пабітае кола.
"21
красавіка плануецца паўторная аналагічная акцыя. Збор будзе а 12 гадзіне
каля Святога возера. Які будзе маршрут, пакуль не вызначылі", —
распавядае Алег адзін з удзельнікаў магілёўскага аўтаклуба.
Дазвол на акцыю ў Гарвыканкаме аўтааматары не пыталі.
Фота — магілёўскі аўтаклуб
