Польскіх памежнікаў і мытнікаў судзяць за кантрабанду беларускіх цыгарэт
На наступным тыдні Беластоцкі раённы суд вынесе прысуды па крымінальнай справе супраць 20 польскіх мытнікаў і памежнікаў з пераходу Баброўнікі.
Яны абвінавачваюцца ў тым, што займаліся кантрабандай з Беларусі цыгарэтаў і алкаголю. Аб гэтым паведамляе Kurier Poranny.
Крымінальная справа была распачатая яшчэ вясной 2006 года. Падсудныя могуць быць аштрафаваныя, атрымаць умоўныя тэрміны і быць асуджанымі да турмы. У будучым яны не змогуць займаць пасады ў памежных і мытных службах.