Перамір'е паміж Ізраілем і ХАМАС пачало дзейнічаць
Паводле дамоўленасці, Ізраіль спыняе ваенныя дзеянні і кропкавыя абстрэлы, а ХАМАС гарантуе спыненне нападаў на тэрыторыю Ізраілю і ўздоўж мяжы.
Узброены канфлікт доўжыўся больш тыдні. Па звестках прадстаўнікоў ХАМАС і Егіпту, якія перадае ВВС, загінулі 160 чалавек.
Аб'яву пра дасягненне перамір'я ў сектары Газа, якім кіруе ХАМАС, сустрэлі святочнымі стрэламі ў паветра. Палітычны лідар ХАМАС Халед Мешааль заявіў, што наступ Ізраілю "праваліўся".
Нагадаем, што ўчора ў Тэль-Авіве быў узарваны аўтобус. Параненыя не менш за 28 чалавек, траім з іх спатрэбілася дапамога хірургаў. Гэты выбух ледзь не сарваў дамоўленасці аб перамір'і.
Фота — ВВС
