Памёр Пятро Васілеўскі — футбаліст "залатога складу" мінскага "Дынама"
Гэта адбылося 9 студзеня ў 13.30 у 11-й мінскай лякарні. Футбалісту ішоў 56-ы год.
Пятро Васілеўскі ў складзе мінскага "Дынама" ў 1982 годзе стаў чэмпіёнам Савецкага Саюзу. У гэтым клубе ён правёў практычна ўсю гульнявую кар'еру.
Толькі ў 1979-м годзе Васілеўскі ненадоўга адлучыўся ў ташкенцкі "Пахтакор". Тады, пасля гібелі каманды, узбекскі клуб збіраў добраахвотнікаў з усяго Саюзу.
Гульнявую кар'еру Васілеўскі скончыў у магілёўскім "Дняпры". Пасля гэтага ён стаў трэнерам. У прыватнасці, працаваў з юнацкай зборнай Беларусі, адзначае "Прессбол".
Фота Пятра Васілеўскага — sb.by
На камандным фота: Пятро Васілеўскі — другі справа ў апошнім шэрагу
