Палажанка: Уручэнне прэміі адбудзецца, нягледзячы на затрыманне Шылы
Сёння ў Мінску ў памяшканні ПЭН-Цэнтра адбудзецца ўручэнне традыцыйнай прэміі "Люблю Беларусь", якую заснаваў "Малады фронт".
За некалькі гадзінаў да пачатку мерапрыемства спецназаўцы затрымалі галоўнага арганізатара — Івана Шылу. Вось што распавяла Еўрарадыё Наста Палажанка:
120214 Palazanka.mp3
"Нам вядома, што ён толькі выйшаў з памяшкання ПЭН-Цэнтру, проста з пад'езда будынка, як пад'ехаў усім вядомы мікрааўтобус спецназаўскі. Адтуль выскачылі спецназаўцы і зацягнулі яго ў машыну".
Палажанка кажа, што хоць Іван Шыла і з'яўляўся галоўным арганізатарам, але ўручэнне прэміі адбудзецца нягледзячы ні на што. Нагадаем, яно пачнецца а 17-й гадзіне.
Тым часам, каля будынка працягваюць дзяжурыць спецназаўцы.