Па Літве ўвечары ў панядзелак пранёсся ўраган (фота)
Ад яго пацярпелі прынамсі два чалавекі.
Як паведамляе партал DELFI, шквал валіў дрэвы, залева затапіла вуліцы. Выратавальнікі атрымалі 92 просьбы пра дапамогу, з іх 74 былі звязаныя з моцным ветрам.
Два чалавекі пацярпелі ад паваленых дрэваў, ім спатрэбілася дапамога медыкаў. Дарэчы, абодва выпадкі адбыліся ў Клайпедзе. Адзін чалавек пацярпеў, калі дрэва звалілася на аўтамабіль, другі — калі дрэва звалілася на намёт.
Фота — DELFI