Настаўнікаў у выхадны дзень прымусілі разбіраць закінутыя будынкі
Адбывалася гэта 1 снежня пад Глыбокім у межах абласнога суботніка.
Гэты суботнік стаў ужо трэцім цягам восені. Настаўнікаў з некалькіх школ Глыбоцкага раёна цэнтралізавана прывезлі ў вёску Лучайка, дзе яны мусілі разбіраць закінутыя цагляныя будынкі — афіцыйна гэта называлася “добраўпарадкаванне вёскі”. Пра гэта Еўрарадыё паведаміў незалежны журналіст з Глыбокага Кастусь Шыталь.
Паводле Шыталя, самі настаўнікі баяцца пад сваімі імёнамі распавядаць пра гэта, але ў прыватных размовах абураюцца сітуацыяй. Бо на такія “дабравольна-прымусовыя” працы іх звезлі ў выхадны дзень, і гэтая праца ніяк не аплочвалася.
Журналіст адзначае, што апроч афіцыйных суботнікаў, у час уборкі ўраджаю глыбоцкіх настаўнікаў прымушалі ў выхадныя дні збіраць лён.
На здымку: Плакаты на прафсаюзным мітынгу ў Мінску, 1999 г. Фота — bymedia.net