Нарэшце кожны беларускі музыка можа сыграць на вуліцы!
Праўда, гэта можна зрабіць выключна 10 верасня і толькі атрымаўшы адмысловы дазвол.
Упершыню ў Мінску падчас Дня горада адбудзецца “Свята вулічных музыкаў”. Праўда, выступіць будзе не так проста. Спачатку музыкам трэба азнаёміцца з абавязковымі ўмовамі ўдзелу і адправіць рэгістрацыйную анкету да 15 жніўня на элекронны адрас [email protected].
Абавязковымі ўмовамі ўдзелу ў “Свяце вулічных музыкаў” з’яўляюцца адсутнасць палітычных момантаў (тэкстаў, лозунгаў, заклікаў, акцый), талерантнасць у адносінах да калег-музыкаў і законапаслухмянасць.
У канцэпцыю свята закладзена маладзёжная і забаўляльная тусоўка вулічных музыкаў, танцораў, дыджэяў, аматараў і прафесіяналаў.
Свята мінскіх вулічных музыкаў адбудзецца 10 верасня ў Троіцкім прадмесці з 12 да 20 гадзіны. Сярод арганізатараў – аўтар ідэі Дня вулічнай музыкі, літоўскі рок-музыка, прадзюсер і акцёр Андрус Маманатвас.
Фота: Еўрарадыё