На Сонцы адбыўся гіганцкі выбух (відэа)
Часцінкі, выкінутыя ў космас, дасягнулі Зямлі. Чакаюцца магнітныя буры.
Астранамічная абсерваторыя НАСА зафіксавала гіганцкі выбух на Сонцы. Вывяржэнне адбылося 31 жніўня. У фільме, знятым амерыканскімі даследчыкамі паказаны выбух, які доўжыўся амаль тры гадзіны. Часцінкі, выкінутыя ў касмічную прастору, дасягнулі Зямлі 3 верасня, але сур'ёзных узрушэнняў яны не справакуюць. Паводле касмічных сіноптыкаў прадбачацца толькі слабыя і сярэдняй моцы магнітныя буры.
