На Сігеце беларускі кемпінг — паміж вуліцай Марлі і бульварам Ленана
На знакамітым фэсце ў Венгрыі сёння чарговы “нулявы” дзень.
У гэтым годзе на востраве, дзе адбываецца фестываль, каб сігітоўцам было лягчэй арыентавацца паміж алеямі ці сцежкамі, каб ведаць куды ісці, вуліцы назвалі імёнамі музыкаў. Наша карэспандэнтка Міла Котка распавяла ў жывым эфіры, што беларускі кемпінг знаходзіцца паміж вуліцай Боба Марлі, алеяй Джэніс Джоплін і бульварам Джона Ленана.
110809 Kotka_site.mp3
Учора нашы карэспандэнты выбраліся ў горад і заўважылі, што, напрыклад, у метро палічыць прасцей людзей, у якіх няма кантрольных бранзалетаў на фестываль Сігет, чым людзей з такімі бранзалетамі. Складаецца адчуванне, што ў Будапешце зараз 85% людзей — гэта прыезджыя, якія зараз тусяць на Сігеце, кажа Міла Котка.
Галоўнай падзеяй “нулявога” дня сёння стане выступ спевака Прынца. Таксама на іншай сцэне выступіць гурт “Ленинград”.