На радзіме Лукашэнкі ладзяць масавыя гулянні
Свята "Александрыя збірае сяброў" пройдзе 6 ліпеня ў аграгарадку Александрыя на Шклоўшчыне.
Пачнецца свята ў 14 гадзін з працы рамесных падворкаў усіх раёнаў Магілёўскай вобласці, Магілёва і Бабруйска. Людзі змогуць набыць вырабы народных умельцаў, паўдзельнічаць у гульнях, народных забавах і конкурсах, а таксама прыдбаць хатнюю жыўнасць.
Запланаваныя таксама выступы народных калектываў. Ці будзе дазволена ім апладзіраваць, пакуль не паведамляецца.