На Піншчыне пачалі разліваць віно з беларускага вінаграду (фота)
Пінскі вінаробны завод, адзіны ў Беларусі, пачаў разліваць віно са свайго вінаградніка.
Для прамоцыі новага прадукту маркетолагі прадпрыемства зладзілі дэгустацыю.
Пінскія вінаробы прапануюць два гатункі натуральнага чырвонага віна і партвейн ураджаю 2010 года. Спецыялісты сцвярджаюць, што віно робіцца паводле спецыяльнай тэхналогіі, а па якасці і смаку набліжаецца да нямецкіх вінаў.
У 2003 годзе Пінскі вінаробны завод заклаў адзіны ў краіне прамысловы вінаграднік. Зараз яго плошча займае 40 гектараў, а праз тры гады дасягне 150 гектараў. Летась пінчукі сабралі больш за 60 тон вінаграду.
