На акцыі пратэсту ў Маскве затрымалі каля ста чалавек (фота)
Несанкцыяваная акцыя прайшла ў нядзелю, 18 сакавіка паблізу ад тэлецэнтра Астанкіна.
Гэта быў грамадскі адказ на фільм тэлеканала НТВ "Анатомія пратэсту", які ачарняў апазіцыю. Удзельнікі акцыі скандавалі "Ганьба НТВ!"
Калі пачаліся затрыманні, удзельнікі акцыі пачалі скандаваць проста "Ганьба!" А таксама яны хорам спявалі розныя песні, у тым ліку "Зямля ў ілюмінатары" — з намёкам на паліцыянтаў, якіх за іх шлемы называюць касманаўтамі.
Зранку ў панядзелак паліцыя Масквы паведаміла, што ўсіх затрыманых удзельнікаў акцыі адпусцілі.