МЗС Чэхіі правярае звесткі пра выдачу рахункаў Бяляцкага
Афіцыйных каментароў на гэты конт чэшская дыпламатыя не дае.
Пра гэта паведамляе агенцтва БелаПАН.
Нагадаем, учора з'явіліся паведамленні, што Чэхія ўслед за Літвой і Польшчай перадала беларускім уладам звесткі пра банкаўскія рахункі праваабаронцы Алеся Бяляцкага.
Фінансавая інфармацыя стала падставай для арышту Бяляцкага ў Мінску 4 жніўня. Праваабаронцу падазраюць ва ўхіленні ад выплаты падаткаў у асабліва буйным памеры.
