Міністры ЕС прынялі новыя абмежаванні супраць Мінску
Савет міністраў замежных спраў ЕС на паседжанні ў панядзелак вырашыў узмацніць абмежавальныя меры супраць беларускіх уладаў.
У прыватнасці, да "чорнага спісу" неўязных дадаліся яшчэ 16 асобаў. Як і папярэднім 192 чыноўнікам, ім забараняецца ўезд у краіны Еўрасаюза і іх банкаўскія актывы ў Еўропе замарожваюцца. Гэтых людзей у Еўрасаюзе лічаць адказнымі за працяг рэпрэсій супраць грамадзянскай супольнасці, палітычнай апазіцыі ды незалежных СМІ.
Як паведамляе interfax.by, Савет ЕС таксама падоўжыў цяперашнія абмежаванні супраць афіцыйнага Мінску да 31 кастрычніка 2012 года.
Гэтыя рашэнні разам з дадатковым спісам беларускіх чыноўнікаў будуць апублікаваныя ў "Афіцыйным журнале" ЕС 11 кастрычніка, пасля чаго уступяць у дзеянне.
