Міліцыянта, які не адкатаў пальцы Канавалаву, яшчэ не асудзілі
У судзе над міліцыянтам, які не адкатаў пальцы Канавалаву, абвешчаны перапынак. Цяпер робяцца запыты, патрэбныя суду.
"Справа прыпыненая. Яна разглядаецца на закрытым судовым паседжанні, і пакуль абвешчаны перапынак", — пацвярджаюць Еўрарадыё ў Віцебскім абласным судзе.
Нагадаем, што міліцэйскага эксперта з Кастрычніцкага раёна Віцебска вінавацяць у тым, што ён не правёў дактыласкапію Дзмітрыю Канавалаву, калі таго прызывалі ў войска.
Судовы працэс над супрацоўнікам міліцыі пачаўся яшчэ 26 верасня. Атрымліваецца, што суд па гэтай справе ідзе даўжэй, чым суд над Канавалавым і Кавалёвым.