Мікалай Ладуцька распавёў пра тунэль пад Свіслаччу
Будаўніцтва трэцяй лініі мінскага метро плануецца пачаць у 2014 годзе.
Пра гэта заявіў старшыня Мінгарвыканкаму Мікалай Ладуцька. Цяпер ідзе праектаванне падземкі, першы ўчастак, які складаецца з трох станцый, павінен адчыніцца ў 2017 годзе.
У лістападзе бягучага года запрацуе станцыя "Малінаўка" (на перакрыжаванні праспекта Дзяржынскага і вуліцы Ясеніна), якая стане канцавым прыпынкам 1-й лініі метро.
БЕЛТА нагадвае, што трэцяя лінія Мінскага метрапалітэна злучыць паўднёвыя і паўночныя жылыя раёны сталіцы з цэнтрам. Яна пройдзе пад ракой Свіслач.
Фота — bymedia.net, БЕЛТА