Мазырская міліцыя шукае 19 гастарбайтэраў, а брэсцкая — 120
Праваахоўнікі аб'яўляюць у вышук усё больш беларусаў, якія паехалі на заробкі ў Расію і зніклі.
Міліцыя Брэсцкай вобласці расшуквае 120 чалавек. За апошнія два тыдні аб знікненні заяўляюць раз на тры дні, паведамляе прэсавая служба Упраўлення ўнутраных спраў Брэсцкага аблвыканкама. Агулам з пачатку восені прыйшло 8 заяваў аб знікненні жыхароў вобласці ў Расіі.
Як паведамляе БелаПАН, з 19 жыхароў Мазыра, аб'яўленых у вышук, адзін знайшоўся — ён патэлефанаваў з Расіі маці і супакоіў, але дзе быў амаль месяц, не сказаў.
Фота — newtimes.ru
