Маці і жонка Андрэя Саннікава атрымалі з ім спатканне
Яно было кароткім.
Маці Андрэя Алла Уладзіміраўна Саннікава паведаміла "Народнай Волі", што размаўляць з сынам ёй давялося праз шкло па тэлефоне. Па яе словах, палітвязень вельмі схуднеў, але трымаецца бадзёра.
Нагадаем, што ад лістапада 2011 года да экс-кандыдата не пускалі нават адвакатаў. Палітвязня трымалі ў так званым памяшканні камернага тыпу. Цяпер Саннікава перавялі ў атрад, і ён можа хадзіць на працу і мае магчымасць больш рухацца.