Масквічам прадавалі пуцёўкі на неіснуючую базу адпачынку ў Беларусі
Ад махляроў пацярпелі, як мінімум, 16 жыхароў расійскай сталіцы.
Як паведамляе партал tut.by, быў адмыслова зроблены сайт, на якім расіянам прапаноўвалі набыць пуцёўкі на базу адпачынку ў Лёзненскім раёне на Віцебшчыне. Жадаючыя браніравалі на сайце домік, па электроннай пошце ім дасылалі дамову і рахунак да аплаты. Хвалявацца масквічы сталі, калі 27 снежня сайт перастаў працаваць, а тэлефоны, пазначаныя ў дамове, маўчалі.
Высветлілася, што згаданай базы адпачынку пад Лёзна няма. Маскоўская паліцыя ўжо праводзіць расследаванне. Махляры паспелі завалодаць сумай ад 7 да 14 тысяч долараў.