Маладафронтаўцы заклікаюць павіншаваць палітвязняў з Днём усіх закаханых
Маладафронтаўцы прапануюць сабрацца 14 лютага а 10 ранку каля КДБ і прынесці свае паштоўкі для палітвязняў.
"Арыштаваным фактычна забаронены свабодныя сустрэчы з адвакатамі і роднымі, ім не перадаюць прэсу і нашыя лісты, каб яны не ведалі пра хвалю падтрымкі, што разгарнулася ў Беларусі і за яе межамі; каб яны ня ведалі, што мы за іх перажываем і чакаем іх на волі", - нагадваюць маладафрантоўцы. - "Вядома, што паштоўкі без аніякіх допісаў ад рукі - прымаюць і перадаюць", - паведамляе прэс-служба арганізацыі.
Актывісты заклікаюць прыносіць разнастыйныя паштоўкі з прыгожымі малюнкамі і смешнымі надпісамі.
Фота: cha.com.ua