Магілёўская “Моладзь БНФ” падаравала школьную дошку беларускамоўнаму класу
Дагэтуль дзеці займаліся без дошкі.
Школьную дошку сёння падаравалі адзінаму беларускамоўнаму класу Магілёва, які знаходзіцца ў сярэдняй школе №1, прадстаўнікі магілёўскай філіі “Моладзь БНФ”.
Ініцыятар акцыі Эдуард Баравікоў адзначае, што такі падарунак быў неабходнасцю, бо клас не меў уласнай дошкі, і гэта складала пэўную праблему для працэсу навучання вучняў.
Эдуард гаворыць, што дошка падобна на фліпчарт — з аднаго боку на ёй можна пісаць крэйдай, з другога — маркерам.
Нагадаем, што ў адзіным беларускамоўным класе Магілёва вучыцца ўсяго трое вучняў.
