Лукашэнка пра Шушкевіча: Дастаткова аднаго факта, каб ён замаўчаў
Кіраўнік дзяржавы у інтэрв'ю тэлекампаніі Russia Today назваў Станіслава Шушкевіча "адным з кіраўнікоў "пятай калоны".
Паводле словаў Лукашэнкі, ён "вельмі шмат ведае пра Шушкевіча" і "дастаткова было аднаго факта, каб ён закрыўся на ўсю рэшту жыцця". "Але я гэтага не рабіў і рабіць не буду", — цытуе словы Аляксандра Лукашэнкі БЕЛТА.
Таксама Лукашэнка нагадаў, што былы старшыня Вярхоўнага Савета Беларусі паўдзельнічаў у развале СССР, а таксама заявіў, што падчас кіравання Шушкевіча "ўсіх рускіх людзей пасадзілі на чамаданы". "Шушкевіч цяпер у вас становіцца ў Расійскай Федэрацыі героем ледзьве не на кожны дзень на ўсіх каналах", — з папрокам сказаў кіраўнік дзяржавы падчас інтэрв'ю.
На здымку: Аўтограф і адбітак рукі Станіслава Шушкевіча. Фота — bymedia.net
