Лукашэнка не стане сустракацца з Лаўровым
У Мінск увечары 22 лістапада прыбыў міністра замежных справаў Расіі Сяргей Лаўроў. Афіцыйна мэтай яго прыезду з'яўляецца ўдзел у сумесным паседжанні калегіі МЗС дзвюх краін. Аднак эксперты лічаць візіт Лаўрова "апошнім папярэджаннем Масквы" Аляксандру Лукашэнку.
Сяргей Лаўроў і яго беларускі калега Сяргей Мартынаў абмяркуюць узаемаадносіны з Еўрасаюзам, падрыхтоўку да чарговага саміту АБСЕ". Таксама яны абмяркуюць важныя пытанні беларуска-расійскага супрацоўніцтва.
Кіраўнік прэс-службы беларускага прэзідэнта Павел Лёгкі паведаміў, што сустрэча Лукашэнкі з расійскім міністрам не плануецца. Рашэнне беларускага лідара праігнараваць візіт часткі МЗС РФ — відавочна дэманстратыўны жэст, бо дагэтуль кіраўнік Беларусі заўсёды сустракаўся нават з прыбылымі ў Мінск расійскімі губернатарамі, піша расійская газета "КоммерсантЪ". Не дапамагло і тое, што Лаўроў яшчэ да прыезду ў Мінск абвясціў, што з лідарамі беларускай апазіцыі сустракацца не будзе.
Акрамя таго, літаральна за некалькі гадзін да прыезду расійскага міністра Лукашэнка рэзкай раскрытыкаваў падыход Масквы да вайсковага супрацоўніцтва.
