Лукашэнка, Мядзведзеў і Назарбаеў сустрэнуцца 18 лістапада ў Маскве
Кіраўнікі краін Мытнага саюза правядуць перамовы па актуальных пытаннях інтэграцыі на еўразійскай прасторы.
Нагодай для сустрэчы стане той факт, што з 1 студзеня 2012 года набывае моц цэлы пакет міжнародных пагадненняў Адзінай эканамічнай прасторы, паведамляе БелаПАН. Асаблівую ўвагу мяркуюць надаць сумеснай працы па пераходзе да наступнага этапа інтэграцыі — Еўразійскага эканамічнага саюза.
