Колькасць ахвяраў землятрусу ў Італіі дасягнула 26 чалавек
У лякарні горада Мадэна ў аўторак памерла жанчына, якую тыдзень таму знайшлі пад разбураным жылым домам.
Таксама ўчора ў бальніцы Балонні памерла яшчэ адна жанчына, якая падчас падземных штуршкоў 29 траўня атрымала сур'ёзную траўму галавы, паведамляюць італьянскія СМІ.
Нагадаем, падчас землятрусаў, што адбыліся на поўначы Італіі 20 і 29 траўня, загінулі 26 чалавек, каля 400 былі параненыя, 14 тысяч чалавек засталіся без жытла. 4 чэрвеня быў абвешчаны днём нацыянальнай жалобы.
Фота — ntv.ru
