Кіраўнік Федэрацыі хакею збіраецца ў адстаўку
Яўген Ворсін папрасіў склікаць пазачарговую канферэнцыю і прапанаваў разгледзець на ёй пытанне пра сваю адстаўку.
У Мінску ў сераду прайшоў выканкам Федэрацыі хакею Беларусі. Адным з галоўных пытанняў было абмеркаванне вынікаў выступлення беларускай зборнай на нядаўнім чэмпіянаце свету.
Як мяркуецца, канферэнцыя пройдзе ў канцы чэрвеня — у пачатку ліпеня сёлета.
Таксама на выканкаме Яўгену Ворсіну прапанавалі стаць кіраўніком дырэктарата хакейнага чэмпіянату свету 2014 года, які мусіць прайсці ў Мінску.
Фота — bymedia.net
