Ініцыятар акцыяў “Стоп-бензін” патрапіў у аварыю
На “Пежо” Арцёма Шаркова заднім ходам наехаў… тралейбус!
Дырэктар інфармацыйна-асветніцкай арганізацыі "За аўто" Арцём Шаркоў паведаміў пра здарэнне ў сваім фэйсбуку.
“Сёння адна вадзіцелка траліка на святлафоры дала задні ход і ўдарыла мне бампер і фару, хоць я стаяў на месцы”, — напісаў апоўначы Шаркоў. Паводле яго, спачатку жанчына-кіроўца спрабавала яму “ўсучыць сотку”, а потым “намагалася мянтам уціраць у вушы, што гэта я — ідыёт”.
Разборкі ў выніку цягнуліся гадзіну — але, дзякуючы сведкам і вулічным камерам назірання, скончыліся на карысць Шаркова: вінаватым прызналі кіроўцу тралейбуса.
“Заўсёды глядзіце на тры крокі наперад не толькі за стырном аўтамабіля, але і ў жыцці”, — рэзюмаваў на сваёй старонцы ў фэйсбуку Арцём.
Фота — bymedia.net