Група расійскіх лекараў вылецела ў Мінск
Група расійскіх лекараў сёння вылецела ў Мінск для аказання дапамогі пацярпелым пасля тэракту ў метро.
Пра гэта карэспандэнту БЕЛТА паведамілі ў міністэрстве аховы здароўя і сацыяльнага развіцця Расіі.
У брыгадзе расійскіх лекараў 6 чалавек: рэаніматолагі, нейрахірургі, траўматолагі, якія маюць досвед працы ў надзвычайных сітуацыях, у тым ліку пасля выбуху ў маскоўскім метро. Плануецца, што яны акажуць кансультатыўную дапамогу ў 3-й клінічнай лякарні Мінска, дзе знаходзіцца найбольшая колькасць пацярпелых. Таксама маскоўскія спецыялісты агледзяць трох расіян, пацярпелых пры выбуху ў Мінску.
