Генпракуратура папярэдзіла, што за заклік да санкцый не выпусцяць за мяжу
Такую заяву зрабіў начальнік упраўлення па наглядзе за выкананнем заканадаўства і законнасцю прававых актаў Генеральнай пракуратуры Павел Радзівонаў.
Ён асабліва падкрэсліў, што некаторыя асобы заклікаюць "замежныя дзяржавы і міжнародныя арганізацыі" не проста да ўвядзення санкцый у дачыненні да Беларусі, але і да "санкцый эканамічнага характару". За гэтыя дзеянні можа быць нават ужытая крымінальная адказнасць, інфармуе БЕЛТА.
Нагадаем, 29 лютага партал TUT.BY са спасылкай на крыніцу, блізкую да кіраўніцтва краіны, паведаміў, што створаны спіс невыязных, у якім, нібыта, значыцца 108 прозвішчаў — людзей, якія заклікалі да ўвядзення санкцый.
