Гарадскі суд Прагі сёння разгледзіць запыт Мінска аб выдачы Міхалевіча
Беларускія ўлады звярнуліся з запытам аб выдачы экс-кандыдата ў прэзідэнты.
Нагадаем, што ў сакавіку Аляксей Міхалевіч атрымаў у Чэхіі палітычны прытулак. Ён трапіў у гэтую краіну пасля ўцёкаў з Беларусі. 20 снежня, адразу пасля прэзідэнцкіх выбараў, Аляксей Міхалевіч быў арыштаваны і некалькі месяцаў правёў у СІЗА КДБ. Вясной быў адпушчаны, пасля чаго заявіў аб катаваннях і публічна адмовіўся ад супрацоўніцтва са спецслужбамі. Праз некалькі дзён пасля скандальнай прэс-канферэнцыі палітык таемна з’ехаў з Беларусі.
