Гамельчукам паказваюць масонскія шпагі і рэчы прыёмнага сына Сталіна (фота)
Такія рарытэты выстаўленыя ў Гомельскім абласным музеі ваеннай славы.
На выставе экспануюцца радыёпрыёмнік, чарніліца, франтавая шапка-аблавушка ды іншыя асабістыя рэчы Арцёма Сяргеева – ганаровага грамадзяніна Рагачова, прыёмнага сына Іосіфа Сталіна.
Таксама тут можна паглядзець на масонскія рытуальныя шпагі ордэнаў рыцараў Святога Георгія, Піфіяса, тампліераў; штыкі для вінтовак, карабінаў, аўтаматаў Аўстра-Венгрыі, Партугаліі, Вялікабрытаніі, Францыі, ЗША і СССР ды іншыя рэчы. З часам многія з гэтых экспанатаў зоймуць месца ў ваенна-гістарычнай экспазіцыі і Музеі крыміналістыкі.
