Галоўнага трэнера "Гомеля" дыскваліфікавалі на два матчы (фота, відэа)
Галоўны трэнер футбольнага клуба "Гомель" Алег Кубараў дыскваліфікаваны на два матчы, а гулец барысаўскага БАТЭ Арцём Канцавы — на тры.
Такое рашэнне прыняў 17 траўня дысцыплінарны камітэт Беларускай федэрацыі футболу, інфармуе БелаПАН.
На паседжанні разглядалася сітуацыя пасля матча "Гомель" — БАТЭ 12 траўня. Тады Канцавы паказаў непрыстойны жэст на адрас гаспадароў, а Кубараў на прэс-канферэнцыі рэзка абвінаваціў трэнера барысаўцаў Віктара Ганчарэнку ў абразе і непавазе. Пры гэтым гомельскі трэнер адзначыў, што разумее эмоцыі футбаліста.
