Фотарэпартаж з "Чырвонай Арміі", дзе пад заваламі загінуў чалавек
Здарэнне адбылося раніцай 30 сакавіка ў дрэваапрацоўчым цэху мясцовага СВК.
Падчас абвалу 30-гадовага будынка загінуў мужчына 1954 года нараджэння, яшчэ адзін атрымаў траўмы.
Вось што Еўрарадыё распавялі ў СВК “Чырвоная Армія”:
“Гэта быў аварыйны будынак, які рамантаваўся, працы там былі забароненыя. Яны самавольна там аказаліся. А зранку было шмат снегу, дождж і дах не вытрымаў, абрынуўся”.
Гэты будынак дрэваапрацоўчага цэха знаходзіўся ў аварыйным стане, і рабочыя там быць не мусілі, запэўніваюць на прадпрыемстве. А загінулы рабочы ўвогуле быў на бальнічным, дадалі у СВК.
Фота — 112.by
