"Еўранэст" сёння абмяркуе "беларускую праблему"
Другая сесія Парламенцкай асамблеі "Еўранэст" пачне ў панядзелак працу ў сталіцы Азербайджана.
Як паведамляе РІА "Новости", на паседжанні будуць абмеркаваныя чатыры справаздачы. Яны датычаць пытанняў энергетычнай інфраструктуры, будучыні дэмакратыі і свабодных ды незалежных СМІ, гандлёвых дамоваў і супрацоўніцтва паміж урадамі і грамадзянскай супольнасцю.
Акрамя таго, будуць абмеркаваныя праблемы, звязаныя з удзелам Беларусі ў працы "Еўранэст". Нагадаем, што наша краіна цяпер не прымае ўдзелу ў працы "Еўранэсту" з палітычных прычынаў.
