Дональд Туск: Без дыялогу з апазіцыяй беларускі рэжым не атрымае дапамогі
У Варшаве прайшла сустрэча прэм’ер-міністра Польшчы Дональда Туска з прадстаўнікамі беларускай апазіцыі.
На сустрэчы абмяркоўваўся, у прыватнасці, польскі вопыт дэмакратызацыі ў канцы 1980-х гадоў. Таксама ішла размова аб міжнароднай дапамозе Беларусі. Польскі прэм’ер заявіў на сустрэчы, што магчымая фінансавая дапамога Беларусі будзе залежаць ад зменаў у краіне. Адной з найважнейшых Дональд Туск назваў дыялог уладаў з апазіцыяй. У сустрэчы бралі ўдзел Аляксандр Мілінкевіч, Уладзімір Някляеў, Анатоль Лябедзька, Станіслаў Шушкевіч, Сяргей Калякін і Аляксей Янукевіч.