Дэфолт у ЗША адмяняецца
Дэмакраты дамовіліся з рэспубліканцамі аб павышэнні столі дзяржаўнага доўгу.
Аб гэтым абвясціў прэзідэнт ЗША Барак Абама. Праект закона, паводле яго слоў, павінен быць прыняты ў бліжэйшыя дні. Па некаторых дадзеных, галасаванне можа адбыцца ўжо ў панядзелак, паведамляе ВВС.
Па словах аўтара законапраекта дэмакрата Гары Рыда, лідары дэмакратаў і рэспубліканцаў прадставяць пагадненне сваім аднапартыйцам перад галасаваннем.
Нагадаем, што ў выпадку непрыняцця закона аб павышэнні максімальнага дзяржаўнага доўгу ЗША краіне пагражаў дэфолт. Гэта мела б катастрафічныя наступствы не толькі для амерыканцаў, але і для ўсяго свету.