Давыдзька: На спартыўны канал у нас няма грошай
Кіраўнік “Белтэлерадыёкампаніі” расказаў пра гэта ў інтэрв’ю сайту goals.by.
Па словах Генадзя Давыдзькі, канал “Беларусь 2” першапачаткова планаваўся як спартыўна-забаўляльны. Аднак для большага напаўнення яго спартыўнымі трансляцыямі ў кампаніі проста няма грошай.
Кіраўнік БТ таксама расказаў, што нават самыя песімістычныя фінансавыя прагнозы аказаліся ў два разы лепшымі за рэальнасць. І да канца 2013 году ўвесь прыбытак “Белтэлерадыёкампаніі” будзе сыходзіць на выплату адсоткаў па крэдыту, узятаму на набыццё перасоўнага тэлевізійнага комплексу “Александрына”.