Clover Club запрашаюць людзей-крабаў на фэст “Даём рады”(відэа)
Калі раптам вы не валодаеце спецыфічнымі прыёмамі “людзей-амфібій” – не хвалюйцеся, прыходзьце таксама!
Адмысловае запрашэнне на фэст Еўрарадыё "Даём рады" падрыхтавалі “іншапланецяне” Clover Club. Дарэчы, падчас выступу гурта на імпрэзе чакаецца сапраўдны сюрпрыз, падрабязнасці якога музыкі раскрыюць толькі на сцэне. У сваім відэароліку Clover Club запрашаюць на фестываль "Даём рады", да якога застаюцца ўсяго 3 дні! Нагадаем 1 лютага ў Re:Public Еўрарадыё падвядзе музычныя вынікі 2012-га года. Апроч Clover Club, на сцэну выйдуць Дай Дарогу!, B:N, Re1ikt, Avias, Akute. Усе падрабязнасці — на нашым сайце.
