Брэсцкія сябры БНФ ушанавалі памяць жаўнераў Булак-Балаховіча (фота)
На Дзяды актывісты ўсклалі кветкі да мемарыяльнага помніка на балахоўскіх могілках.
Студэнты гістарычнага факультэта расказалі прысутным пра гісторыю гэтых могілак і цікавыя факты з біяграфіі генерала Станіслава Булак-Балаховіча.
Нагадаем. што легендарны вайсковец у першую сусветную вайну камандаваў дыверсійным аддзелам царскага войска. Пасля служыў у Чырвонай Арміі, сышоў з яе і ваяваў супраць бальшавікоў у Эстоніі, перайшоў пад камандаванне Ураду БНР. Аддзел генерала Булак-Балаховіча вярнуўся ў Беларусь на пачатку 1920 г. і размясціўся ў Брэсце. Палову афіцэрскага складу і тры чвэрці жаўнераў складалі беларусы.
