Беларускія хакеісты з мячом пакінулі наймацнейшы дывізіён свету
Нацыянальная зборная прайграла на чэмпіянаце свету ў Швецыі і Нарвегіі ўсе 6 матчаў з агульнай розніцай 6-107.
2 лютага беларуская каманда мела апошні шанец захаваць прапіску ў наймацнейшым дывізіёне ў стыкавым паядынку з перадапошняй камандай першага этапу зборнай Нарвегіі. Аднак гэты матч скончыўся для беларусаў разгромным лікам — 0:11.
На папярэднім этапе зборная пацярпела паразы ва ўсіх пяці матчах. Такім чынам, беларусы пакінулі групу А. Чатыры найлепшыя каманды групавой стадыі выйшлі ў паўфінал.
Цяпер зборная Беларусі пакіне эліту. У наступным годзе яе месца зойме каманда ЗША, якая ў фінале другога па рангу дывізіёна (група В) абыграла 26 студзеня каманду Канады — 4:2, інфармуе БЕЛТА.