Беларускія футбалісты паедуць у экскурсію па Англіі
Але пакуль невядома, куды менавіта.
Аб тым, што для гульцоў алімпійскай футбольнай зборнай Беларусі арганізатары запланавалі культурную праграму, журналістам расказаў трэнер каманды — Георгій Кандрацьеў: “Перад зборамі будзе адзін выезд — экскурсія для хлопцаў. А там па ходу турніра будуць пераезды. Праехалі 4-5 гадзін — спыніліся. Там жа адны пераезды. Гульні праз 2 дні на 3-ці”.
Кандрацьеў таксама паведаміў, што не будзе забараняць сваім футбалістам карыстацца сацсеткамі і кантактаваць з прэсай. Нават сем’і іх змогуць прыехаць на Алімпіяду. Што праўда, за свой кошт — федэрацыя жонкам і дзецям гульцоў зборнай паездку аплочваць не будзе.
