Беларусь упершыню абагнала Украіну па аб'ёмах гандлю з Расіяй
Летась наша краіна заняла першае месца па рэальных аб'ёмах узаемнага гандлю з усходняй суседкай сярод краін СНД. Раней такога не было.
Пра гэта заявіў намеснік міністра эканамічнага развіцця Расіі Аляксей Ліхачоў. Паводле яго слоў, па выніках мінулага года лічба аб'ёмаў гандлю Украіны з Расіяй склала больш за 45 млрд долараў, а Беларусі — крыху менш за 45 млрд долараў.
Аднак, адзначыў Ліхачоў, паколькі каля 5% спецыялісты "не бачаць" з-за адсутнасці мытнай мяжы, Беларусь упершыню выйшла на першае месца, інфармуе УНІАН.