Беларусь абмяркуе з Балівіяй і Венесуэлай праекты на $2-3 млрд
У часе сустрэчы ў Каракасе кіраўнікі трох краін дамовіліся абмеркаваць трохбаковыя праекты.
У прыватнасці, Аляксандр Лукашэнка дамовіўся з прэзідэнтам Балівіі Эва Маралесам развіваць адносіны па венесуэльскім узоры. Прэзідэнт Балівіі папрасіў беларускага лідара дапамогу ў развіцці сельскай гаспадаркі, будаўніцтва аграгарадкоў і жылля, здабычы карысных выкапняў, а таксама ў падрыхтоўцы кадраў.
Таксама Лукашэнка запрасіў Маралеса наведаць Беларусь.
У Каракасе беларускі кіраўнік правёў таксама перамовы з лідарамі Эквадора, Кубы і Гаіці, інфармуе БЕЛТА.