Багданкевіч лічыць, што крэдыт ЕўрАзЭС пойдзе на аплату расійскіх паставак
Грошы будуць выдаткаваны на плату за электраэнергію, газ, сыравіну і камплектуючыя матэрыялы.
Былы кіраўнік Нацбанка Станіслаў Багданкевіч у інтэрв’ю сайту АГП акрэсліў найбольш верагодныя шляхі выхаду з крызісу.
Паводле яго словаў, гэта магчыма толькі ў выпадку непазбежнага пагаршэння ўзроўня жыцця беларусаў. А крэдыты, якія зараз спрабуе атрымаць урад, толькі могуць зрабіць гэты шлях больш гладкім.
Багданкевіч ўпэўнены, што выхад з эканамічнага крызісу магчымы толькі пры продажы дзяржаўнай уласнасці. Акрамя таго, неабходны і свабодны допуск замежных інвестараў на беларускі рынак.
