"Аскепкі" чалябінскага метэарыта прадаюць па кошце да 500 тысяч (фота)
Паліцыянты спрабуюць устанавіць людзей, якія размясцілі ў інтэрнэце аб'явы.
Невядомыя спрабуюць прадаць у інтэрнэце "аскепкі" метэарыта, які ўпаў у пятніцу на Урале, за сумы ад 10 тысяч да 500 тысяч расійскіх рублёў, паведамляе ў панядзелак МУС Расіі. Па выніках праверкі будзе прынята працэсуальнае рашэнне, кажуць праваахоўнікі.
Навукоўцы напярэдадні заявілі, што выявілі аскепкі метэарыта ў возеры Чабаркуль, пры гэтым сілавыя структуры гэтую інфармацыю пакуль не пацвярджаюць, інфармуе РІА Новости.
Нагадаем, метэарыт выбухнуў ў пятніцу на вышыні каля 30 тысяч метраў. Яго аскепкі ўпалі на Чалябінскую і суседнія вобласці Расіі, а таксама на поўнач Казахстана. Пацярпела больш за тысячу чалавек. З пятніцы ішлі пошукі месцаў падзення аскепкаў метэарыта.
Навукоўцы: Уральскі метэарыт мог быць каметай
Фота — ria.ru
