Аплаціць за святло па дыферэнцыяваных тарыфах можна будзе з сакавіка
Але да 10 сакавіка сістэма праходзіць “абкатку дэталяў”.
Па словах намесніка гендырэктара РУП “Мінскэнерга” Юрыя Мішука, аўтаматычная сістэма аплаты за электраэнергію падрыхтаваная, але дапрацоўваюцца дэталі.
“З 10 сакавіка механізм аплаты за святло ў банках, поштах пачне працаваць”, — кажа Мішук.
Для карыстальнікаў усё застанецца па-ранейшаму: вылічваць самому аплату па норме і звыш яе не спатрэбіцца.
Нагадаем, ад 1 лютага ў Беларусі дзейнічае дыферэнцыяваная сістэма аплаты за святло. Абаненты з электрычнымі плітамі плацяць паводле ільготнага тарыфу за норму ў 250 кілават/гадзін па 324,9 рублёў за кілават, а карыстальнікі газавых пліт — да 150 кілават/гадзін па 382 рублі за кілават.
Фота — news.vitebsk.cc
