Аператарка FEMEN вызваленая
Кіці Грын была затрыманая сёння ўдзень, калі яна асвятляла акцыю ўкраінскіх феміністак у Мінску.
Пра яе вызваленне БелаПАН паведамілі ў амбасадзе Аўстраліі ў Маскве. Супрацоўнікі дыпмісіі сказалі, што ведалі пра становішча аўстралійскай грамадзянкі і кантактавалі з рознымі ведамствамі ў Беларусі, калі яе затрымалі.
Лёс затрыманай аператаркі “Нашай Нівы” Таццяны Гаўрыльчык і незалежнага фатографа Юліі Дарашкевіч застаецца невядомым.
