Толькі 450 мінчан заплацілі ЖЭСам за ўборку снегу каля машын
Астатнія аўтаўладальнікі мусяць чысціць парковачныя месцы самі. Нагадаю, што ў Мінску ўсяго 700 тысяч зарэгістраваных машын.
“Згодна з правіламі добраўпарадкавання горада Мінска аўтаўладальнікі павінны прыбіраць вакол сваёй машыны ў радыусе аднаго метра. А заключэнне дагавора вызваляе ад магчымага прыцягнення да адказнасці за несвоечасовую прыборку”, - патлумачылі Еўрарадыё ў Мінгаржылгасе.
Штраф за непрыбраны снег роўны адной базавай велічыні (35 тысяч).
Па апошніх дадзеных сёння такіх дагавораў ужо 450. Для заключэння дагавора трэба звярнуцца ў свой ЖЭС і заплаціць 11 тысяч 170 рублёў у месяц.
Генеральны дырэктар Мінскай гарадской жыллёвай гаспадаркі Уладзімір Рэентовіч прапанаваў усім аўтамабілістам(!) уключыць у жыроўку паслугу па ўборцы парковачных месцаў. Але пакуль гэта працягваюць рабіць у добраахвотным парадку.
