27-гадовы Алег Корбан кінуў выклік 50-гадоваму Анатолю Лябедзьку
Корбан вылучыў сваю кандыдатуру на выбары старшыні Аб'яднанай грамадзянскай партыі.
Самі выбары мусяць адбыцца 20 красавіка, але вылучэнне кандыдатаў завяршаецца ўжо 10 лютага.
Алег Корбан свой даволі малады ўзрост недахопам не лічыць. У каментары Еўрарадыё ён адзначыў, што 27 гадоў — гэта ўзрост Кастуся Каліноўскага і Міхаіла Лермантава.
Матывы свайго вылучэння Корбан патлумачыў так:
Корбан: "Хачу, каб у партыйным кіраўніцтва з'явілася альтэрнатыва, і ў прынцыпе выступаю за абнаўленне кіруючага складу партыі. Тым больш, у мяне ёсць некаторыя думкі, як удасканаліць партыйную працу. Я думаю, што падчас выбарнай партыйнай кампаніі і на з'ездзе ў мяне будзе шанец выступіць і данесці мае думкі да ўсіх сябраў партыі".
Па словах Корбана, пакуль што акрамя яго ніхто не назваўся канкурэнтам Лябедзькі. Нагадаем, што Анатоль Лябедзька кіруе Аб'яднанай грамадзянскай партыяй з красавіка 2000 года.
Фота: bymedia.net